ජනතා විමුක්ති පෙරමුණේ නායක අනුර කුමාර දිසානායක මහතාගේ ගම වන තඹුත්තේගම පැවැති උද්ඝෝෂණයට පහරදීම සම්බන්ධව ජවිපෙ නායකයන් නිහඬව සිටින බව ජාතික නිදහස් පෙරමුණේ ප්‍රචාරක ලේකම් මොහොමඩ් මුසම්මිල් මහතා අද (01දා) පැවසීය.
රතුපස්වල ජනතාවගේ කඳුළු විකුණා පැමිණි ජවිපෙ ඇතුළු ආණ්ඩුව තඹුත්තේගම ජනතාවට සිහි නැතිවෙනතුරු පහරදුන් බවත්, අග්‍රමාත්‍ය රනිල් වික්‍රමසිංහ මහතා නීතිය හා සාමය අමාත්‍යාංශය අතට ගෙන වැඩ පටන්ගත් පළමු දවස මෙය බවත් ඒ මහතා ප්‍රකාශ කළේය.
ජාතික නිදහස් පෙරමුණේ ප්‍රධාන කාර්යාලයේ පැවැති මාධ්‍ය හමුවකදී ඒ මහතා වැඩිදුරටත් සඳහන් කළේ මෙම උද්ඝෝෂණයට පහරදීම සඳහා පොලීසියට අමතරව පොලු අතින් ගත් මැරයන් ගෙනවිත් තිබුණු ආකාරය වීඩියෝ දර්ශන නිරීක්ෂණය කිරීමේදී පැහැදිලි වන බවයි.