යහපාලන රජය පළාත් පාලන මැතිවරණයෙන් ලද පරාජය සමඟ අගමැතිවරයා සිය ධුරයෙන් ඉවත් විය යුතු බවට තර්ක කරන්නේ නම් ඊට පෙර ජනාධිපතිවරයා ධුරයෙන් ඉල්ලා අස්විය යුතු බව “පුරවැසි බලය“ කැදවුම්කරු ගාමිණී වියන්ගොඩ පවසයි.
මාධ්‍ය වෙත අදහස් දක්වමින් හෙතෙම කියා සිටියේ දිනාගත් පළාත් පාලන ආයතන ප්‍රමාණය ගත්තත් ජන්ද ප්‍රමාණය ගත්තත් අගමැතිවරයාගේ පක්ෂය ජනාධිපතිට වඩා ඉදිරියෙන් සිටින බවයි. එවැනි තත්ත්වයක් යටතේ කවුරු හරි තර්ක කරනවා නමි පරාජය වුන නිසා අගමැති අයින් වෙන්න ඕන කියලා ඊට කලින් ජනාධිපතිවරයා අයින් වෙන්න ඕනෙ. යැයිද හෙතෙම කියා සිටී.
“අපේ රටේ මැතිවරණ ක්‍රම 4 තියෙනවා පාර්ලිමේන්තු මැතිවරණයෙන් අගමැති සහ මැති ඇමැති තෝරනවා, පළාත් සභා ජන්දෙන් පළාත් සභා මන්ත්‍රීවරු තෝරනවා මේ තිබ්බේ පළාත් සභා ජන්දයක් ජනපති අගමැති හෝ ආණ්ඩුව හදන ජනදයක් නෙමේ” යැයිද පවසන ඔහු, කෙසේ වෙතත් ජනතාවගේ විවේචනය පිළිගත යුතු බවත් මැතිවරණ ප්‍රතිඵලයෙන් යහපාලන රජය අනතුරුට පත්වුවා නොව ජනතාව අනතුරු සංඥාවක් ලබා දී ඇති බවද සදහන් කරයි.