නීතිය සහ සාමය භාර අමාත්‍යවරයා වශයෙන් කටයුතු කිරීමට තමාගේ බලාපොරොත්තුවක් නැති බව පක්ෂයේ පාර්ලිමේන්තු කණ්ඩායමට මීට සුළු මොහොතකට පෙර දැනුම් දුන් බව සාගල රත්නායක අමාත්‍යවරයා Facebook සටහනක් තබමින් පවසනවා.
එක්සත් ජාතික පක්ෂය වෙනුවෙන් ඕනෑම තනතුරක් පරිත්‍යාග කිරීමට තමා පසුබට නොවන අතර පක්ෂයේ යහපත වෙනුවෙන් ඇමතිවරයාට කළ හැකි උපරිමය කිරීමට සූදානම් බවත් අග්‍රාමාත්‍යතුමාට අද උදෑසන දැනුම් දුන් බවයි එම සටහන මගින් ඔහු අවධාරණය කර සිටින්නේ.
මෙය මේ මොහොතේ පක්ෂය ශක්තිමත් කිරීම සඳහා තමා විසින් ගනු ලබන පුද්ගලික තීරණයක් වන බවත් පක්ෂයට ඇමතිවරයාගේ ඇති පක්ෂපාතිත්වය එලෙසම ශක්තිමත්ව පවතින බවත්, පක්ෂ නායකත්වය විසින් ලබා දෙන ජනතාවට සේවය කළ හැකි වෙනත් ඕනෑම වගකීමක් නොපිරිහෙලා ඉටු කිරීමට සුදානම් බවත් සාගල රත්නායක ඇමතිවරයා වැඩිදුරටත් මන්ත්‍රී කණ්ඩායමට දැනුම් දුන්බවයි සඳහන් කර සිටින්නේ.
