Colombo Today Local News

මානව හිමිකම් කවුන්සිලයට කේලාම් කියන්න ආනන්දි ශෂිදරන්, සිවාජිලිංගම් ඇතුළු දෙමළ සන්ධානයේ 7ක් ජිනීවා යති

එක්සත් ජාතීන්ගේ මානව හිමිකම් කවුන්සිලයට වී ශ්‍රීලංකාවට එරෙහිව කරුණු කීමේ අරමුණින් දෙමළ ජාතික සන්ධාන උතුරු පළාත් සභා මැති ඇමැතිවරුන් හත්දෙනෙකුගෙන් යුත් කණ්ඩායමක් මාර්තු මුල් සතියේ දී ස්විස්ටර්ලන්තයේ ජිනීවා නුවර බලා පිටව යාමට නියමිතය.

මෙම කණ්ඩායමේ මූලිකත්වය උතුරු පළාත් ඇමැතිනී ආනන්දි ශෂිදරන් මහත්මිය විසින් ගන්නා බවත් සංචාරයට සහභාගී වන මන්ත්‍රීවරුන්ගේ නම් ලැයිස්තුව දෙමළ ජාතික සන්ධානයේ නායක ආර්.සම්බන්ධන් සහ පළාත් සභාවේ සභාපති සී.වී.කේ සිවඥානම් මහතා වෙත ඉදිරි සතිය තුළ ඉදිරිපත් කරන බවත් එම සන්ධානයේ උතුරු පළාත් සභා මන්ත්‍රී එම්.කේ.සිවාජිලිංගම් පැවසීය.

එක්සත් ජාතින්ගේ මානව හිමිකම් කවුන්සිලයේ 37 වැනි සැසිවාරය ලබන 26 වැනි දා ස්විස්ටර්ලන්තයේ ජිනීවා නුවරදී ආරම්භ වන යුද අපරාධ හා මානව හිමිකම් කඩකිරීම් සම්බන්ධයෙන් විදේශීය විනිසුරුවරුන්ගෙන් යුත් ජාත්‍යන්තර විමර්ශනයක් සිදුකර ඒවාට සම්බන්ධ සියළු පාර්ශව හට දඩුවම් පැනවීමේ යාන්ත්‍රණයක් ක්‍රියාත්මක කිරීම දෙමළ ජාතික සන්ධානයේ ස්ථාවරය වී ඇත.

2015 වසරේදී එක්සත් ජාතීන්ගේ මානව හිමිකම් කවුන්සිලය විසින් ශ්‍රීලංකාව පිළිබඳ සම්මත කරගත් යෝජනාව මෙරට තුළ මෙතෙක් ක්‍රියාත්මක කර නොමැති බවත් ලක් රජය කෙරෙහි කිසිදු විශ්වාසයක් නොමැති බවත් මේ නිසා ජිනීවා සැසිවාරයට සහභාගී වී විදේශීය නියෝජිතයින් සහ රාජ්‍යතාන්ත්‍රිකයින් හට ලක් රජයේ මෙම ක්‍රියා කලාපය පහදා දෙන බවත් සිවාජිලිංගම් තවදුරටත් සඳහන් කළේය.

එක්සත් ජාතීන්ගේ මානව හිමිකම් කවුන්සිලයේ 37 වැනි සැසිවාරය පෙබරවාරි 27 වැනි දා සිට මාර්තු 23 වැනි දා තෙක් පැවැත්වෙන අතර එක්සත් ජාතීන්ගේ මානව හිමිකම් කොමසාරිස් සෙයිද් රාද් අල් හුසේන් විසින් මාර්තු 16 වැනි දා ශ්‍රීලංකාව තුළ ජිනීවා යෝජනාව ක්‍රියාත්මක කිරීමේ ප්‍රගතිය සම්බන්ධයෙන් වාර්තාවද ඉදිරිපත් කිරීමට නියමිතය.

Related posts

සැලසුම් කළ සැත්කම් ඇනහිටීමේ අවදානමක්

colombotoday

මෙරට සේවයේ නියුතු විදේශීය ශ්‍රමිකයින් ගෙන් අනිවාර්ය බද්දක් අය කෙරේ

colombotoday

පළාත් පාලන මැතිවරණය මාර්තු 25 වැනිදාට පෙර

colombotoday

අලුත් ව්‍යවස්ථාව ඉක්මන් කරන්නැයි බටහිර රටවල් 4ක් දන්වයි.. ජනමතවිචාරණය දෙසැම්බරයේ !

colombotoday

ඇමෙරිකානු රාජ්‍ය ලේකම්ගේ ශ්‍රී ලංකා සංචාරය අවලංගු කරයි

colombotoday

සෞඛ්‍ය ඇමතිනියට කොවිඩ් ?

colombotoday