ජාතික සංවිධාන කිහිපයක් එකමුතුවෙන් ආරම්භකරන ලද ශාසනාරක්ෂක සභාව විසින් සිදු කරන මඩකලපු සංචාරය හෙට(3) වන දින සිදුකිරීමට සුදානම් බව එම සංවිධානය පවසනවා.
දිවයිනේ සියළු ප්‍රදේශවලින් පැමිණෙන ජනතාව හෙට(3) උදැසන 8.30 ට හබරණ පුරාණ ටැම්පිට විහාරයට (හබරණ හතරමං හන්දියෙන් අනුරාධපුර පාරේ 1km) පැමිණෙන ලෙස සංවිධායකයින් දන්වා සිටින අතර උදැසන ආහාරය එම විහාරස්ථානයේ සුදානම් කර ඇති බවයි ඔවුන් සදහන් කර සිටියේ.
කෙසේ වෙතත් කිසියම් කඩාකප්පල්කාරී පිරිසක් විසින් මෙම ගමන සිදු නොවෙන බවට Facebook හරහා අසත්‍ය ප්‍රචාරයක් ගෙනයමින් සිටින අතර, මේ සදහා ශාසනාරක්ෂක සභාවට සම්බන්ධ නොවූ, පසුගිය ජනාධිපතිවරණයේදී මෛත්‍රිපාල සිරිසේන මහතාගේ ජයග්‍රහණය වෙනුවෙන් කැපවුණු භික්ෂුන් වහන්සේ නමක් ඇතුළු කිහිප දෙනෙකු සම්බන්ධ වී ඇති බවයි සංවිධායකයින් වැඩිදුරටත් පවසා සිටියේ.