Colombo Today Local News

මත්තලට ආ එකම ගුවන් ගමනත් නවතා දමයි

මත්තල ජාත්‍යන්තර ගුවන්තොටුපොළ වෙත දෛනිකව මෙතෙක් පැමිණි එකම ගුවන්යානය වන ෆ්ලයි ඩුබායි ගුවන්යානයද ඊයේ (08) සිට මත්තල ගුවන්තොටුපොළ පොළ වෙත පැමිණීම නවතා තිබේ .

අදාළ ගුවන්සමාගමෙන් කරන ලද ඉල්ලීමකට අනුව මෙරට රජයෙන් ලබාදුන් අනුමැතිය යටතේ ෆ්ලයි ඩුබායි ගුවන්යානය මත්තල ජාත්‍යන්තර ගුවන්තොටුපොළ වෙත පැමිණීම නවාතා ඇතිබව ගුවන්තොටුපොළ ආරංචිමාර්ග පවසා සිටියි .

කටුනායක ගුවන්තොටුපොළට පමණක් පැමිණීම සිදුවෙමින් තිබු මෙම ෆ්ලයි ඩුබායි ගුවන්යානය 2013 වර්ෂයේ මත්තල ගුවන්තොටුපල ආරම්බයේ සිට ඇතිකරගත් ගිවිසුමකට අනුව මෙතෙක් මත්තල ගුවන්තොටුපොළ වෙත පැමිණ තිබේ .

ඒ අතර ශ්‍රීලංකන් ගුවන් සමාගමට අයත් ගුවන්යානා දෙකක් ද මත්තලට දෛනිකව පැමිණි අතර 2015 වර්ෂයේ වර්තමාන රජය බලයට පත්වීමත් සමඟ ශ්‍රී ලංකන් ගුවන්යානා පැමිණීම නතර කල අතර සතියේ සැම දිනකම පැමිණි ෆ්ලයි ඩුබායි ගුවන් යනය සතියකට ගමන් වාර හතරක් දක්වා සිමා කරන ලදී .

ඒ අනුව ආරම්බයේ සිට පසු ගිය 07 වනදා වනතෙක් මත්තල ජාත්‍යන්තර ගුවන්තොටුපොළ වෙත පැමිණි ෆ්ලයි ඩුබායි ගුවන්යානය මත්තල ගුවන්තොටුපොළ වෙත ගුවන් වාර 1150 කට අදික ප්‍රමානයක් පැමිණ ඇති අතර ඒ නිසා දෛනිකව එම ගුවන් යානයෙන් පමණක් මත්තල ගුවන්තොටුපොලවෙත රුපියල් ලක්ෂයක පමණ ආදායමක් ලැබී තිබේ .

මත්තල ජාත්‍යන්තර ගුවන්තොටුපොළ පසුගිය වසර පහ පුරාවට මගින් එක්ලක්ෂ හැත්තෑ එක්දාහකට අධික ප්‍රමාණයක් සදහා පහසුකම් සපයා තිබෙන අතර එමෙන්ම ගුවන් ගමන් වාර 8700 කට අදික ප්‍රමාණයක් මෙහෙයවා තිබේ .

එමන්ම මත්තල ගුවන් තොටුපොල විකල්ප ගුවන් තොටුපොළක් ලෙස කටුනායක ජාත්‍යන්තර ගුවන් තොටුපොළට සහයෝගයක් විදියට පසුගිය කාලය තුල කටයුතු කිරීමට හැකිවී තිබේ .

ඒ අතර හදිසි ගුවන්යානා ගොඩබැස්සවීම් එමෙන්ම ගුවන් යානා සදහා ඉන්දන ලබාගැනීමට ද එමෙන්ම ගුවන් යානා වල කාර්යමණ්ඩල විවේකය සදහා විශාල ගුවන්යානා ප්‍රමානයක් ද මෙම ගුවන්තොටුපොළ පසුගිය වසර පහ තුළ භාවිතා කර තිබේ .

adaderana

Related posts

ධම්මික පෙරේරා 21 දිවුරුම් දෙයි

colombotoday

දංකොටුව සතිපොළ මුස්ලිම් වෙළෙද ප්‍රජාවට තාවකාලිකව තහනම් කරන ලෙසට වෙන්නප්පුව ප්‍රා.ස. සභාපති ඉල්ලයි

colombotoday

අද කොවිඩ් එන්නත් ලබා දෙන ස්ථාන

colombotoday

ගෝඨාභය අද FCID යට…

colombotoday

ජනවාරි 14 ශ්‍රී ලංකාවට ඓතිහාසික දවසක්…

colombotoday

“2017 තීරණාත්මකයි“ රටට වෙන දේ ගැන ප්‍රකට ජෝතිශවේදියෙකුගෙන් අනාවැකි (Video)

colombotoday