හැකිනම් සිය ප්‍රජා අයිතිය අහෝසි කරන බලන්නැයි හිටපු ජනපති මහින්ද රාජපක්ෂ මහතා පැවැසීය. ලුණුගම්වෙහෙර ඊයේ (28දා) සවස පැවැති ජනහමුවකදී ඔහු මේ බව පවසා සිටියේය.
මෙහිදී වැඩිදුරටත් අදහස් දැක්වූ ඒ මහතා,
“ජනාධිපතිවරයා මගේ මිත්‍රයා. එයා දැන් මොනවද කියන්නේ. මේ අවුරුදු තුනට එයාගේ කැබිනට් මණ්ඩලයේ අය කෝටි ගණන් වියදම් කළාලු. අපිට හොරු කිව්වා අරක කිව්වා මේක කිව්වා. අන්තිමට නඩු දාන්නේ මොකටද? මම අයි.ටී.එන්. එකට සල්ලි ගෙව්වේ නැතිලු.
මම මගේ දැන්වීම් දාන්න කියලා කොයි වෙලාවකවත් කියලා නෑ. මම කිව්වා නඩු දාන්න කියලා. දැන් කියනවා රනිල් වික්‍රමසිංහ මහත්තයා මගේ ප්‍රජා අයිතිය නැති කරනවා කියලා. සිරිමාවෝ මැතිනියගේ ප්‍රජා අයිතිය නැතිකරලා මොකද වුණේ. අපේ නැතිකරලා බලනවකෝ. අපි නිදාගෙන සිටියිද කියලා” යැයිද පවසා සිටියේය.