ඊයේ (31)දින නුගේගොඩ, මිරිහානේ සිදුවීමේදී ජනාධිපති ගෝඨාභය රාජපක්ෂ මහතා හැකි තරම් ඉවසිලිමත්ව කටයුතු කරනු ලැබූ බව සංචාරක අමාත්‍ය ප්‍රසන්න රණතුංග මහතා පවසයි.
සාමකාමී උද්ඝෝෂකයින්ට උද්ඝෝෂණය කර යාමට ඉඩ දී පොලීසියට හෝ හමුදාවට ඊට මැදිහත් නොවන ලෙස ජනාධිපතිවරයා උපදෙස් දුන් බව ජනාධිපති මාධ්‍ය කේන්ද්‍රයේ පැවැති විශේෂ මාධ්‍ය හමුව අමතමින් අමාත්‍යවරයා පැවසීය.
කෙසේ වෙතත් අලුයම 1, 2 පමණ වන තෙක් උද්ඝෝෂණය සාමකාමී මට්ටමේ පවත්වා ගෙන ගිය බවත් පසුව උද්ඝෝෂකයින් පෞද්ගලික, රාජ්‍ය දේපළ විනාශ කිරීමට ක්‍රියා කළ බවත් අමාත්‍යවරයා සඳහන් කළේ ය.
අවසානයේ අවම බලය භාවිත කර උද්ඝෝෂකයින් විසුරුවා හැරීමට ජනාධිපතිතුමාට සිදුවූ බව අමාත්‍යවරයා පැවසීය.
ඒ අනුව අවම බලය යොදාගෙන උද්ඝෝෂකයින් විසුරුවා හැරීම තුළ පැය භාගයක් ඇතුළත උද්ඝෝෂණය පාලනය කිරීමට හැකි වූ බව ද අමාත්‍යවරයා සඳහන් කළේ ය.