කළුතර දිස්ත්‍රික්කයේ බේරුවල හා අලුත්ගම දී 2014 ජූනි මස 15/16 දිනවලදී ඇතිවූ ගැටුමේ වින්දිතයන්ට වන්දි ප්‍රදානය කිරීමට කැබිනට් අනුමැතිය ලැබී ඇත.
මෙම සිදුවීමෙන් පවුල් 273කට අයත් දේපළ විනාශ වූ බවට හදුනාගෙන ඇති අතර එහිදී හානි වූ ගොඩනැගිලි ශ්‍රී ලංකා යුද හමුදාව විසින් අලුත්වැඩියා කර දෙන ලදි.
අදාළ හානි පරීක්ෂා කිරීම සදහා පත්කරන ලද නිලධාරී කමිටුව විසින් එම සිදුවීම හේතුවෙන් අනෙකුත් දේපළ හා ගෘහ උපකරණ වෙනුවෙන් වන්දි ගෙවීමට නිර්දේශ කර ඇත.
සංවිධානාත්මක මුස්ලිම් ජාතික පිරිසක් විසින් ස්වාමීන් වහන්සේ නමකට සහ බෞද්ධ පෙරහැරකට පහරදීම හේතුවෙන් මෙම ගැටුම්කාරී තත්ත්වය ඇතිවිය.