ශ්‍රී ලංකා පොදුජන පෙරමුණ කොලඹ නගර සභාවේ සිය නගරාධිපති අපෙක්ෂකයා ලෙස මිලින්ද රාජපක්ෂ මහතා ඉදිරිපත් කිරීමට තීරණය කර ඇතැයි පැවසේ.
රාජපක්ෂ පවුලේ සමීපතම හිතවතෙකු මෙන්ම දෙරණ හිමිකරු දිලිත් ජයවීරට අයත් “ට්‍රයිඇඩ්” ප්‍රචාරණ ආයතනයේ ප්‍රධානියෙකු වන ඔහු ගෝඨාභය රාජපක්ෂ මහතාගේ “අපි වෙනුවෙන් අපි” ප්‍රචාරණ ව්‍යාපෘතියේ ප්‍රධාන සැලසුම්කරුවකු ද වේ. ජාතික තරුණ සේවා සභාවේ ක්‍රියාකාරී අධ්‍යක්ෂකවරයෙකු ලෙස සහ එක්සත් ජාතීන්ගේ සංවිධානය ඇතුළු ජාත්‍යන්තර සංවිධන සමගද ඔහු කටයුතු කර ඇත.
කොළඹ නගරාධිපති අපේක්ෂකයා ලෙස ශ්‍රී ලංකා නිදහස් පක්ෂය ආසත් සාලි මහතා ඉදිරිපත් කරන අතර, එක්සත් ජාතික පක්ෂය සිය නගරාධිපති අපේක්ෂකයා ලෙස හිටපු ඇමතිනී රෝසි සේනානායක මහත්මිය ඉදිරිපත් කිරීමට තීරණය කර ඇත.