ජාත්‍යන්තරයේ ශ්‍රී ලංකේය සන්නාමයක් බවට පත්වෙමින් ලෝකයේම ආදරය දිනා ගනිමින් වේගවත් ගමනක් යන යොවුන් ගායිකා යොහානි ද සිල්වා යුද අපරාධකාරයෙකුගේ දියණියක් බව පවසමින් කොටි හිතවාදී දෙමළ ඩයස්පෝරාව ප්‍රචාරක වැඩ පිළිවෙලක් දියත් කර ඇත.
ට්විටර් සහ ෆේස්බුක් ප්‍රකාශ මගින් මොවුන් ප්‍රචාරය කරන්නේ යුද අපරාධකරුවෙකුගේ දියණියක් වන යොහානිට ශ්‍රී ලංකාවේ හා ඉන් පිටත සිටින ඊලාම් දෙමළ ජනතාව සහාය පල නොකළ යුතු බවයි.
මේ වන විටත් දකුණු ඉන්දියාවේ තමිල්නාඩුවේ සහ කේරළයේ මැණිකේ මගේ හිතේ ගීතය ඉමහත් ජනප්‍රියත්වයක් උසුලන අතර කෝටි ගණනක් වූ ඉන්දියානුවන් යොහානිට වසඟ වී ඇති බැවින් කොටි ඩයස්පෝරාව මෙබදු ප්‍රකාශයන් කරන බව ඉන්දීය මාධ්‍ය වාර්තා වල සඳහන් වේ.
යොහානිගේ පියා වන ජෙනරාල් ප්‍රසන්න සිල්වා යුද අපරාධකරුවෙක් බව කියමින් ඇයට එරෙහිව විරෝධයක් ගොඩ නැගීම සඳහා කොටි හිතවාදී දෙමළ ඩයස්පෝරාව කටයුතු කරමින් සිටී.
