ත්රස්ත මර්දන පනත වහාම අහෝසි කරන ලෙස නෝර්වේ, එස්‌ටෝනියාව, ජර්මනිය සහ ඇමරිකාව ඊයේ (15 දා) ජිනීවාහිදී ශ්‍රී ලංකාව සම්බන්ධව විමර්ශනයේදී ඉල්ලා ඇත.
ශ්‍රී ලංකාවේ මානව හිමිකම් කඩවීම ගැන පරීක්‌ෂණය ඊයේ ජිනීවා මානව හිමිකම් කවුන්සිලයේදී ආරම්භ විය.
මෙහිදී ශ්‍රී ලංකාවට එල්ල වූ යුධ අපරාධ චෝදනා පිළිබඳ පරීක්‌ෂා කිරීම සඳහා අධිකරණ යාන්ත්‍රණය ආරම්භ කරන්නේ කවදා දැයි ඇමරිකාව ශ්‍රී ලංකාවෙන් ප්‍රශ්න කර ඇත.
ශ්‍රී ලංකා හමුදාවේ ඇතැම් අය වධහිංසා පමුණුවන බවට වාර්තාවී ඇති බවද චෝදනා කළ ඇමරිකාව මානව හිමිකම් උල්ලංඝනය කිරීම්වලට වගකිවයුතු පාර්ශ්වලට එරෙහිව ශ්‍රී ලංකා රජය මෙතෙක්‌ ක්‍රියාකර නැතැයිද සඳහන් කර තිබේ.
දිවයින