තම මෙහෙයවීමෙන් විල්පත්තුවේ වන විනාශයක් සිදු කරන බවට කළ ප්‍රකාශයක් නිසා තම කීර්ති නාමයට අපහාස වූයේ යැයි පවසමින් අමාත්‍ය රිෂාද් බදියුදීන් විසින් බොදුබල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන්ට එරෙහිව ගොණු කළ නඩුව අද කොළඹ මහාධිකරණයේදී විභාගයට ගැනීමට නියමිතය.
විල්පත්තු ජාතික වනෝද්‍යානයේ වනාන්තරය විනාශ කරමින් ජනපද ඉදිකරමින් සිටින බව බොදු බල සේනා සංවිධානය මාධ්‍ය සාකච්ඡාවක් පවත්වමින් මුල් වරට හෙළිදරව් කළේ 2013 වසරේදීය.
එහිදී තමාගේ නමට අපහාසයක් සිදුවූ බව කියමින් අමාත්‍ය රිෂාද් බදියුදීන් විසින් ගලගොඩඅත්තේ ඥාණසාර හිමියන්ගෙන් රුපියල් මිලියන 500ක් ඉල්ලා අපහාස නඩුවක් ගොණුකර තිබෙන අතර ඊට අදාළව අවසන් නඩු විභාගය සිදුව ඇත්තේ මීට වසර දෙකකට ඉහතදීය.
ගලගොඩඅත්තේ ඥාණසාර හිමියන් වෙනුවෙන් නීතීඥ හේමක සේනානායක නඩුවට පෙනී සිටී.