ස්විට්සර්ලන්තයේ ජිනීවා නුවර පැවැත්වෙන මානව හිමිකම් කවුන්සිලයේ සැසි වාරය සඳහා මෙරට සිදුවූ බව කියන යුද අපරාධ චෝදනාව සම්බන්ධයෙන් කරුණු දැක්වීමට රජයේ කිසිදු පාර්ශවයක් සහභාගි වී නොමැති බව රියර් අද්මිරාල් සරත් වීරසේකර පවසනවා.
එල්.ටී.ටී.ඊ සංවිධානයට සහය දක්වන කණ්ඩායම් 16ක් මෙම සැසියට එක්ව සිටි බව පැවසූ සරත් වීරසේකර මහතා සිය ගෝලිය ශ්‍රී ලාංකික සංසදය රජය නියෝජනය නොකළත් රාජ්‍ය නොවන සංවිධානයක් ලෙස මානව හිමිකම් කවුන්සිල සැසි වාරයේදී යුද අපරාධ චෝදනාව සම්බන්ධයෙන් කරුණු දැක්වු බවද කියා සිටියේය.
විදේශ කටයුතු අමාත්‍යංශ ප්‍රකාශිකවක සදහන් කළේ මෙම සැසිවාරය සඳහා ශ්‍රී ලංකා රජයට නිල කැදවීමක් කර නොමැති බැවින් රජයේ නියෝජිතයන් කිසිවක් එයට සහභාගී නොවූ බවයි.
ස්විට්සර්ලන්තයේ ජිනීවා නුවර පැවැත්වෙන මානව හිමිකම් කවුන්සිලයේ සැසි වාරය ලබන 29 වනදා දක්වා පැවැත්වෙයි.
