ශ්රී ලංකා නිදහස් පක්ෂයේ පාර්ලිමේන්තු මන්ත්‍රීවරුන් හය දෙනකුගේ පක්ෂ සාමාජිකත්වය අත්හිටුවීමට තිරණය කර ඇතැයි ශ්‍රීලනිප ආරංචි මාර්ග පවසයි.
පවිත්‍රාදේවි වන්නිආරච්චි, රෝහිත අබේගුණවර්ධන, ප්‍රසන්න රණතුංග, ප්‍රසන්න රණවීර, සනත් නිශාන්ත සහ ලොහාන් රත්වත්තේ එම මන්ත්‍රීවරුය. නායකත්වය හා, පක්ෂ තීන්දු තීරණවලට අවනත නොවී ඒවා විවේචනය කිරීම නිසා මෙම පියවර ගන්නා බවද පැවසෙයි.
19 වන ආණ්ඩුක්‍රම ව්‍යවස්ථා සංශෝධනය අනුව පාර්ලිමේන්තු මන්ත්‍රීවරයකු පක්ෂයෙන් ඉවත් කරනු ලැබුවහොත් ඔහුගේ මන්ත්‍රීධුරයද අහෝසි වෙයි.
මේ අතර පාර්ලිමේන්තු මන්ත‍්‍රී සනත් නිශාන්තට එරෙහිව ශ්රී ලංකා නිදහස් පක්ෂය සිදු කළ විනය පරීක්ෂණයේ තින්දුව අද (28) ප‍්‍රකාශයට පත් කිරීමට නියමිතය.