ධර්මපාල වංශාලංකාර සද්ධර්ම කීර්ති ශ්‍රී ත්‍රිපිටක විශාරද අග්ගමහා පණ්ඩිත අතිපූජ්‍ය කොටුගොඩ ධම්මාවාස මහානායක ස්වාමින් වහන්සේ වෙත ශ්‍රී ලංකා අමරපුර මහා නිකායේ උත්තරීතර මහා නායක පදවිය පිළිබද ශ්‍රී සන්නස් පත්‍ර පිළිගැන්වීමේ පුණ්‍ය මහෝත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ (03) පස්වරුවේ කොළඹ නිදහස් චතුරශ්‍රයේදී පැවැත්විණි.
අභිනව මහා නායක හිමිපාණන් වහන්සේ වෙත ශ්‍රී සන්නස් පත්‍රය පිළිගැන්වීම ජනාධිපතිතුමා අතින් සිදු වූ අතර අග්‍රාමාත්‍ය රනිල් වික්‍රමසිංහ මහතා විසින් විජිනිපත පිළිගන්වනු ලැබීය.
අමරපුර පාර්ශවයේ අධිකරණ සංඝනායක ලෙසින් හා අනුනායක හා මහාලේඛකාධිකාරී ලෙසින් ද අමරපුර පාර්ශවයේ සම මහානායක ලෙසින් ද අතිපූජ්‍ය කොටුගොඩ ධම්මාවාස මාහිමිපාණන් වහන්සේ කටයුතු කළහ.
මහා නා හිමිවරුන් ප්‍රමුඛ මහා සංඝරත්නය ද, අගරදගුරු මැල්කම් රංජිත් කාදිනල්තුමා ඇතුළු පූජකවරුන් ද, අග්‍රාමාත්‍ය රනිල් වික්‍රමසිංහ, කතානායක කරු ජයසූරිය යන මහත්වරුන් ඇතුළු මැති ඇමතිවරු පිරිසක් මෙම පුණ්‍ය මහෝත්සවයට එක්ව සිටියහ.
ඡායාරූප – ජනාධිපති මාධ්‍ය ඒකකය
