හම්බන්තොට වරායට වාහන ගොඩබෑම ඉදිරියේදී නතර කරන බව අමාත්‍ය මහින්ද සමරසිංහ මහතා පවසයි. කොළඹ වරාය අධිකාරියේ නැගෙනහිර පර්යන්තයේ පැවති උත්සවයකට එක්වෙමින් ඔහු මේ අදහස් පල කළා.
“කොළඹ වරායට තමයි මුළින්ම වාහන ගොඩ බෑවේ. හම්බන්තොට නැව් නැති වුණාම වාහන නැව් ඒ වරායට හැරෙව්වා.
මේ නිසා හැම වාහනයකම මිල ඉහළ ගියා. ඒ පාඩුව දරන්න වුණේ පාරිභෝගිකයාටයි. අපි නැවතත් තීරණයක් ගත්තා වාහන ගොඩබෑම කොළඹ වරායෙදි කරන්න.”
එමෙන් ම හම්බන්තොට වරාය චීනයට බදු දීම හේතුවෙන් කොළඹ වරායට විශාල මුදලක් ඉතිරි කර ගත හැකි බවත් එහි ප‍්‍රතිලාභ වරාය සේවකයින්ට ලබා දෙන බවත් මෙහි දී ප‍්‍රකාශ කෙරිණි.