ජනාධිපති ගෝඨාභය රාජපක්ෂ මහතා ඊයේ (03)දින ජනාධිපති කාර්යාලයේ පැවති මාසික හමුවේදී රාජ්‍ය අමාත්‍යාංශවල ප්‍රගතිය විමසීමට ලක් කර තිබේ.
ජනධිපති මාධ්‍ය අංශය පැවසුවේ, එහිදී ඒ ඒ රාජ්‍ය අමාත්‍යාංශ වෙත පැවරී ඇති කාර්ය භාරය, ඉලක්ක සපුරා ගැනීම හා ඉදිරි සැලසුම් රාජ්‍ය අමාත්‍යවරුන් විසින් ජනාධිපතිවරයා වෙත ඉදිරිපත් කරනු ලැබූ බවයි.
කොවිඩ් වසංගතය හමුවේ අමාත්‍යාංශ, ආර්ථිකයේ සුරක්ෂිතතාවට මුල්තැන දෙමින් ජනතාව වෙනුවෙන් ඉටු කළ යුතු වගකීම් ඉදිරියට ගෙන යාමට වැඩපිළිවෙළ රැසක් ක්‍රියාත්මක කර ඇති බව රාජ්‍ය අමාත්‍යවරුන් එහිදී පෙන්වා දුන් බව ජනධිපති මාධ්‍ය අංශය වැඩිදුරටත් පවසයි.
මෙම අවස්ථාවට සියලුම රාජ්‍ය අමාත්‍යවරුන් සහ රාජ්‍ය නිලධාරීන් පිරිසක් එක්ව සිට ඇත.