උතුරු පළාතට පොලිස් බලතල ලබා ගැනීම සදහා වැඩි වැඩියෙන් දෙමළ තරුණයින් පොලිස් සේවයට බැදිය යුතු බව උතුරු පළාත් ප්‍රධාන අමාත්‍ය සී.වී. විග්නේෂ්වරන් මහතා පවසයි.
“පොලිස් බලතල ලබාගැනීමට අපගේ තරුණ තරුණයින් පොලිස් සේවයට බැඳිය යුතුය. පොලිස් සේවයට අපගේ තරුණ තරුණයින් බැදුණහොත්, අපගේ ප්‍රදේශයට පොලිස් බලතල ලබගැනීමට හැකිය. අපගේ තරුණ තරුණයින් එයට උනන්දුවිය යුතුය” යනුවෙන් උතුරු පළාතේ පොලිස් නිලධාරීන් සමග යාපනය කයිතඩි හී ප්‍රධාන අමාත්‍ය කාර්යාලයේදී පැවති සාකච්ඡාවකදී විග්නේෂ්වරන් මහතා ප්‍රකාශ කර ඇත.
යුද්ධය පැවති කාලයේදී පොලීසියට එරෙහිව යම් යම් කටයුතු සිදුවී ඇති නමුත්, මේ වන විට පොලිස් බලතල ක්‍රියාත්මක කලයුතු තැනට පැමිණ තිබෙන බැවින් දෙමළ තරුණ තරුණියන් වැඩි වශයෙන් පොලිස් සේවයට ඇතුල් විය යුතු බවද මහ ඇමතිවරයා අවධාරණය කර ඇත.