සැබෑ ලෙස ජනතාවට බලය බෙදාදීම සදහා සයිබර් පාර්ලිමේන්තුවක් නිර්මාණය කරන ලෙස බොදු බල සේනා සංවිධානයයේ ප්‍රධාන විධායක නිලධාරී ආචාර්ය දිලන්ත විතානගේ මහතා අගමැති රනිල් වික්‍රමසිංහ මහතාගෙන් ඉල්ලා සිටී.
විතානගේ මහතා මේ අදහස් පළ කෙළේ කොළඹදී පැවති මාධ්‍ය හමුවක් අමතමිනි.
“පළාත්සභා ක්‍රමය තුළින් යම් ආකාරයක බලය බෙදීමක් සිදුවුණා. හැබැයි බොදුබල සේනා පළාත්සභා ක්‍රමයට විරුද්ධයි. වත්මන් ආණ්ඩුව නිතරම තොරතුරු තාක්ෂණය පිළිබද කතා කරන නිසා අප කියන්නේ පාර්ලිමේන්තුවට ඉදිරිපත් වන පනත් විවිධ යෝජනා පිළිබද මහජනතාවගේ අදහස් ලබා ගැනීම සදහා සයිබර් පාර්ලිමේන්තුවක් නිර්මාණය කරන ලෙසයි.
ජනතාවට තමන්ගේ අදහස් ජංගම දුරකථනය නවීන තාක්ෂණික උපක්‍රම මගින් එවිට යොමු කරන්න පුලුවන්. දූෂණ නැති කිරීමට තොරතුරු තාක්ෂණය යොදාගත හැකයි“