තෙල් හිගයක් නොමැති බව බලශක්ති අමාත්‍ය නීතිඥ උදය ගම්මන්පිල මහතා ඊයේ ප්‍රකාශ කල ද, මේ වනවිට ඉන්දන පිරවුම්හල්වල පෙට්‍රල් නොමැති තත්වයක් දක්නට ලැබෙනවා.
මේ පිළිබඳව අප කඩවත, කිරිබත්ගොඩ, කැලණිය යන ප්‍රදේශවල දී සිදුකල සොයා බැලීමක් සිදුකර සිටියා. අද (22) උදෑසන සිට O 92 වර්ගයේ පෙට්‍රල් ඉන්දන පිරවුම්හල්වල අවසන්ව තිබූ අතර දහවල් වන විට O 95 වර්ගයේ පෙට්‍රල් ද අවසන් වී ඇති බවක් දක්නට ලැබුණි.
ඊයේ මධ්‍යම රාත්‍රියේ සිට lanka IOC ඉන්දන මිල වැඩිකෙරුන ද IOC ඉන්දන පිරවුම්හල් තුලද පෙට්‍රල් නොමැති බවක් නිරීක්ෂණය විය.
කෙසේ වෙතත් ඊයේ විශේෂ ප්‍රකාශයක් සිදුකරමින් අමාත්‍ය උදය ගම්මන්පිල සඳහන් කර සිටියේ කිසිදු ඉන්දන හිඟයක් නොමැති බවයි.