ලංකාවේ රූපවාහිනිය නරඹන කවරම හෝ පුද්ගලයෙකුට ලංකාව යනු රටක් නොවන බව හෝ එම රටේ ආණ්ඩුවක් නොපතිනව බව හෝ හැඟී යන බව ජනපති මෛත්‍රීපාල සිරිසේන පවසයි.
පහුගිය දින වලදි රූපවාහිනි නැරඹීමේදි තමන්ට පවා එම හැගීම ඇති වූ බවත් සිදු වූ දෙයට හාත්පසින්ම විරුද්ධ දෙයක් මාධ්‍ය මගින් විකාශනය කරන බවත් ජනාධිපතිවරයා පවසා සිටියේ රත්නපුර ප්‍රදේශයේ ළමා වාට්ටුවක් විවෘත කිරීමෙන් පසුවය.
ජනතා ආකර්ශනය ලබා ගැනීම සඳහා මාධ්‍ය මගින් විකාශනය කරන සමහර සිදුවීම් නිසා රටේ සංවර්ධන ප්‍රගතිය, ජනතා සුභසාධනය හා රටේ සාමකාමී වතාවරණය උඩු යටිකුරු වන බවට ද ජනාධිපතිවරයා චෝදනා කරයි.
නිරන්තරයෙන් මාධ්‍ය මගින් ප්‍රචාරණය කරනු ලබන උද්ඝෝෂණයන්, කලබලකාරි තත්ත්වයන් හා විනාස කිරිම් මගින් විනාශ වන්නේ රටේ කිර්තිනාමය බවයි ජනාධිපතිවරයා පෙන්වා දුන්නේ.