බෞද්ධ කටයුතු දෙපාර්තමේන්තුව යටතේ පාලනය වන විහාරස්ථානවල පඬුරු පෙට්ටිවල (පිංකැටවල) එකතුවන මුදල් ගණන් කිරීම සාමාන්‍යයෙන් සිදුවන්නක් බව බුද්ධ ශාසන අමාත්‍යාංශ ලේකම් චන්ද්‍රප්‍රේම ගමගේ මහතා පැවසීය.
එවැනි විහාරස්ථාන 236ක් ඇතැයි පැවසූ ලේකම්වරයා කැට ගණන් කිරීම සිදුවන්නේ අදාළ විහාරස්ථානයේ කැට පිරී ඇතැයි භාරකාර ස්වාමීන් වහන්සේ විසින් බෞද්ධ කටයුතු දෙපාර්තමේන්තුවට දැනුම්දීමෙන් පසුව බවද කියා සිටියේය.
එම විහාරස්ථානවලට ලැබෙන මුදල් පිළිබඳ ආදායම් වියදම් වාර්තා මාස හයකට වරක් බෞද්ධ කටයුතු කොමසාරිස්වරයාට පෙන්විය යුතු බවත්,කැටවල එකතු ඇති මුදල් ගණන් කොට යළිත් විහාරස්ථානයේ සංවර්ධන කටයුතුවලට ලබාදෙන බවත් ඒ මහතා ප්‍රකාශ කළේය.