ටැමඩෝල් පෙති 600 ක් අලවි කිරීම සඳහා ලග තබා ගෙන සිටි පසුගිය පළාත් පාලන මැතිවරණයට මුස්ලිම් කොන්ග්‍රසයෙන් තරඟ කළ අපේක්ෂකයෙකුව පොලිස් විශේෂ කාර්ය බලකායේ නිලධාරීන් විසින් අත්අඩංගුවට ගෙන නොරචෝලේ පොලීසියට බාර දී ඇති බව අද දෙරණ වාර්තාකරු පවසයි.ඊයේ (20) රාත්‍රීයේ කල්පිටිය – ඒත්තාලේ ප්‍රදේශයේදී මෙම අත්අඩංගුවට ගැනීම සිදු කර ඇත.
අත්අඩංගුවට ගෙන ඇති සැකකරු කල්පිටිය, ඒත්තාලේ, එරඹුගොඩැල්ල පදිංචි 32 හැවිරිදි අයෙක්ය.
සැකකරු පසුගිය පළාත් පාලන මැතිවරණයට ශ්‍රී ලංකා මුස්ලිම් කොන්ග්‍රසයෙන් කල්පිටිය ප්‍රාදේශීය සභාවට ඒත්තාලය කොට්ඨාසය සඳහා තරඟ කළ පරාජයට පත්වු අපේක්ෂකයෙක්ය.
සැකකරු කලක සිට මත්ද්‍රව්‍ය ජාවාරමට සම්බන්ධ අයෙකු බවට බුද්ධි අංශ විසින් වාර්තා කර තිබී ඇත.
එම වාර්තා පදනම් කරගෙන කරන ලද තොරතුරු සොයා බැලීමකින් අනතුරුව තොරතුරු විශේෂකාර්ය බලකායේ පුත්තලම කදවුර නිලධාරීන් විසින් මෙම වැටලීම සිදු කර ඇත.
සැකකරු පුත්තලම දිසා අධිකරණයට ඉදිරිපත් කිරීමට නියමිත අතර නොරචෝලේ පොලීසිය සිද්ධය සම්බන්ධයෙන් වැඩිදුර විමර්ශණ සිදු කරයි.