සංශෝධිත වැට් බදු පනතනේ දුරකථන සදහා පනවා ඇති බදු ගෙවීමට අපහසුනම් දුරකථන ඕෆ් කර දමන්නැයි කැබිනට් ප්‍රකාශක ඇමති රාජිත සේනාරත්න මහතා පවසයි.
ඔහු මෙසේ කියා සිටියේ කැබිනට් මාධ්‍ය හමුවේ මාධ්‍යවේදියෙකු කල විමසීමේදීය.
කැබිනට් මණ්ඩලය විසින් අනුමත කරන ලද වැට් බදු වැඩි කිරීම ක‍්‍රියාත්මක වන්නේ කවදාදැයි ස්ථිර වශයෙන්ම සදහන් කිරීමට මාධ්‍ය හමුවට සහභාගී වූ සම මාධ්‍ය ප‍්‍රකාශකවරුන් දෙදෙනාම සමත් වූයේ නැත. මුදල් ඇමතිවරයාට, මුදල් ලේකම්වරයාට ආදී කිහිප දෙනෙකුටම දුර ඇමතුම් දී අවසානයේ කියා සිටියේ වැට් බදු ක‍්‍රියාත්මක වන්නේ පාර්ලිමේන්තුවේ සම්මත වී ගැසට් කිරීමෙන් පසුව බවයි.