යහපාලන රජය පසුගියදා සිදුකළ අමාත්‍ය මණ්ඩල සංශෝධනය හේතුවෙන් රජයට රුපියල් කෝටි 10ක පමණ වැය කිරිමට සිදුවන බව වාර්තා වෙයි. අලුතෙන් අමාත්‍යාංශ පිහිටුවීම, කාර්යාල පහසුකම් සැලසීම, කාර්යාල උපකරණ ගැනීම, සේවයක් බඳවා ගැනීම, වාහන සැපයිම, ඉන්ධන පහසුකම් සැපයීම, නව ඇමතිවරුන්ට අවශ්‍ය පරිදි නිල කාමර සැකසීම පිළිගැනීමේ උත්සව ආදිය සඳහා මෙම මුදල් වැය කිරීමට නියමිතය.
මේ අතර අලුතෙන් අමාත්‍යාංශයක වැඩ බාර ගැනිමේ උත්සවයට එක්වූ 600ක් පමණ පිරිසකට දිවා ආහාරය සැපයීමටත්, ඔහුගේ නිල කාමරය නවිකරණය කිරීම සඳහාත් රුපියල් ලක්ෂ 40ක පමණ මුදලක් වැය කර තිබේ.
ඇමති මාරුවෙන් පසුව පැවැති මෙම උත්සවයට කැඳවා ඇත්තේ එම ඇමතිවරයා නියෝජනය කරන ආසනයේ පාක්ෂිකයන් හා හිතවතුන්ය.
ලංකාදීප