ශ්‍රී ලංකා මුහුදු සීමාවට අනවසරයෙන් ඇතුළු වීමට උත්සාහ කළ 32 දෙනකු රැගත් බෝට්ටුවක් ඊයේ (30දා) පෙරවරුවේ උතුරු නාවික විධානයට අයත් වෙරළ ආරක්‌ෂක දෙපාර්තමේන්තු නිලධාරීන් විසින් අත්අඩංගුවට ගෙන ඇත.
අත්අඩංගුවට ගත් පිරිස අතර දින 15 ක දරුවකු මාස 04 ක දරුවකු සහ වයස අවුරුදු 09 ට අඩු තවත් දරුවන් 14 ක් මියන්මාර වැසියන් 14 ක් (පිරිමින් 07 යි, කාන්තා 07 යි) සහ ඉන්දීය ජාතිකයන් 02 ක් සිටි බව නාවික හමුදා මාධ්‍ය ප්‍රකාශක ලුතිනන් කොමාන්ඩර් චමින්ද වළාකුළුගේ ඊයේ (30) දා පැවැසීය.
වෙරළ ආරක්‌ෂක නිලධාරීන් කළ නිරීක්‌ෂණයකදී සැකකටයුතු යාත්‍රාවක්‌ ශ්‍රී ලංකා මුහුදු සීමාවට ඇතුළු වී තිබෙන බවත් එහි සිටිය යුතු පිsරිසට වඩා වැඩි පිරිසක්‌ සිටින බවත් දැක ඇත. ඒ සම්බන්ධයෙන් තවදුරටත් නිරීක්‌ෂණය කිරීමේදී කාන්තාවන් පිරිසක්‌ද සිටීම නිසා එම යාත්‍රාව සිය භාරයට ගෙන සිදුකළ පරීක්‌ෂණයකදී මෙම පිsරිස අත්අඩංගුවට ගෙන ඇත.
මෙම පිරිස සිටි යාත්‍රාව කන්කසන්තුරේ මුහුදු සීමාවට මුහුදු සැතපුම් 12 ක් (කිලෝ මීටර් 25 ක් පමණ) දුර සිට අත්අඩංගුවට ගෙන කන්කසන්තුරේ නාවික වරායට රැගෙන විත් වෛද්‍ය පහසුකම් ඇතුළු අනෙකුත් පහසුකම් නාවික හමුදාව මගින් ලබාදුන් බවද ඒ මහතා කීය.
මෙම පිරිස මියන්මාර් ජාතිකයන් බවත් මියන්මාරයේ බෞද්ධ මුස්ලිම් ගැටුමක්‌ නිසා මීට වසර 04 කට පමණ පෙර ඉන්දියාවට පලාවිත් රැඳී සිට ඇති බවත් හෙළිවී ඇත. මේ පිරිස ඉන්දියාවේ සිට ශ්‍රී ලංකාවට පැමිsණෙන්නට ඇතැයි නාවික හමුදාව සැක පහළ කරයි. මෙම පිරිස මියන්මාර් මුස්ලිම් ජාතිකයන් බවද අනාවරණය වී තිබේ. මොවුන් සම්බන්ධයෙන් වැඩිදුර විමර්ශන සිදු කරන බව නාවික හමුදාව පවසයි.