යුරෝපා සංවිධානයේ ත්‍රස්ත ලයැස්තුවෙන් ශ්‍රී ලංකාවේ එල්.ටී.ටී.ඊ. සංවිධානය ඉවත් කර තිබෙනවා. යුරෝපා සංගම් අධිකරණය විසින් අද (26) මෙම තීරණය ගෙන තිබේ.
තහනම ඉවත් කිරීමත් සමග එම සංවිධානයට යුරෝපය තුළ අරමුදල් රැස්කිරීමට, ප්‍රචාරක කටයුතුවලට තිබූ තහනමද අවලංගුවනු ඇත.
එල්.ටී.ටී.ඊ සංවිධානය යුරෝපා සංවිධානය විසින් ත්‍රස්ත සංවිධානයක් ලෙස නම් කරනු ලැබුවේ 2006 වසරේදීයි. ඉන් අනතුරුව යුරෝපා සංගමයේ රටවල් තුලදී කොටි සංවිධානයේ ක්‍රියාකාරකම් බොහෝ සෙයින් අඩපණ විය.
2001 සැප්තැම්බර් 11 ඇමරිකාවට එල්ලවූ ත්‍රස්ත ප්‍රහාරයෙන් පසුව යුරෝපා සංගමය ත්‍රස්ත ලැයිස්තුවක් නිර්මාණය කළේය. මාධ්‍ය හා අන්තර්ජාලය හරහා වාර්තාවන තොරතුරු පදනම් කරගෙන එම ත්‍රස්ත සංවිධාන ලයිස්තුව පවත්වාගෙන යයි.
එල්.ටී.ටී.ඊ සංවිධානයේ ක්‍රියාකාරකම් බහුල ලෙස සිදුවන්නේ යුරෝපා සංගමයේ රටවල්වල් කේන්ද්‍රකරගෙන වන අතර, තහනම් ඉවත් කිරීමත් සමග එල්.ටී.ටී.ඊ ඩයස්පොරාවේ කටයුතු නව පිබිදීමකට ලක්වනු ඇතැයි විචාරකයන් සදහන් කරයි.