අවසන් යුද සමයේදී ආරක්ෂක හමුදාව වෙත බාර වූ බව කියන එල්.ටී.ටී.ඊ සංවිධානයේ දේශපාලන නායක සින්නදුරෙයි ශෂිදරන් හෙවත් එලීලන් ඇතුළු 12 දෙනෙකු අතුරුදහන් වීමේ සිද්ධිය සම්බන්ධයෙන් විභාග වන නඩුවට යුද හමුදාවේ 58 වන සේනාංකය බාරව සිටි මේජර් ජෙනරාල් ශවීන්ද්‍ර සිල්වා මහතා අධිකරණය හමුවට කැදවන්නැයි කරන ලද ඉල්ලීම මුලතිව් මහෙස්ත්‍රාත් අධිකරණය ඊයේ (30) ප්‍රතික්ෂේප කළේය.
අදාළ ඉල්ලීම සිදුකර ඇත්තේ එලීලන් නමැත්තාගේ බිරිඳ වන උතුරු පළාත් සභා මන්ත්රී ආනන්දි ශෂිදරන් විසින්.
ඇය විසින් ගොනු කර ඇති හබයාස්කෝප් නඩුව මුලතිව් මහේස්ත්රාත් අධිකරණයේ දී ඊයේ විභාගයට ගත් අවස්ථාවේ දී මහේස්ත්රාත් එම්. සම්සුඞීන් මෙම නියෝගය නිකුත් කළා.
යුද්ධයේ අවසන් සමයේ දී 58 වන සේනාංකය හරහා ආරක්ෂක අංශ වෙත භාර වූ බව කියන එලීලන් ඇතුළු 12 දෙනෙකු අතුරුදන් වී ඇති බව පවසමින් උතුරු පළාත් සභා මන්ත්රී ආනන්දි ශෂිදරන් ඇතුළු පිරිසක් මෙම නඩුව ගොනු කර තිබෙනවා.