Colombo Today Local News

“කුම්බලා මාළු කෑවා නම් විඳවාපන් බළලෝ.. උපවාස කරාට ඇප දෙන්නෑ“ – අනුර දිසානායක

බන්ධනාගාරගත වන්නෙකුට ඇප ලබාගැනීම සදහා උපවාස කරන්නේ නම් හෝ එම උපවාසය මත ඇප ලබාදීමට තීරණය වන්නේ නම්, එය වැරදි පූර්වාදර්ශයක් බවත්, ඒනිසා අධිකරණ ක්‍රියාවලිය අඩපණ විය හැකි බවත් ජනතා විමුක්ති පෙරමුණේ නායක අනුර කුමාර දිසානායක මහතා පවසයි.

ජවිපෙ ප්‍රධාන කාර්යාලයේදී ඊයේ (29) පැවති මාධ්‍ය හමුවකදී, විමල් වීරවංශ මන්ත්‍රීවරයාගේ වත්මන් තත්ත්වය පිළිබදව මාධ්‍ය වේදීන් නැගූ ප්‍රශ්නයකට පිළිතුරු දෙමින් මන්ත්‍රීවරයා මේ බව පැවසීය.

“ඇත්තටම අපේ රටේ ඉතිහාසය පුරවටම නීතිය ක්‍රියාත්මක වීමේදී වලව්වේ හාමුට නීතිය ක්‍රියාත්මක වන ආකාරයෙන් වලව්වේ වැඩ කරන කොල්ලට ක්‍රියාත්මක කරන්නෙ නැහැ. ඒ වගේම එක් හොරෙක් අත්අඩංගුවට ගනිද්දි ඒ හොරාට තර්ක කරන්න බෑ, තව හොරු සිටියදී ඇයි මාව අත්අඩංගුවට ගත්තෙ කියලා. අපිට කියන්න තියෙන්නෙ ‘කුම්බලා මාළු කෑවා නම් විඳවාපන් බළලෝ’ කියලා.

ඇප ලබාගැනීම සඳහා උපවාස කරනවා නම්, ඒ උපවාස කිරීම මත ඇප ලබාදෙන්න තීරණය කරනවා නම්, ඒක අපේ අධිකරණ ක්‍රියාදාමය පිළිබඳ මම හිතන්නෙ අපි නැවත සිතන්න ඕනෙ. ඒ නිසා අද රිමාන්ඩ් භාරයේ සිටින බොහෝ දෙනෙක් උපවාස කළොත් මොකද වෙන්නෙ. බන්ධනාගාරයේ සිටින්නා නොවෙයි ඔහුගේ එළියේ සිටින සඟයන් විසින් සටන් දියත් කළ යුතුයි. එළියෙ ඉන්න මිතුරන් ඔහුව අත්හැරලා තියෙනවා. රාජපක්‍ෂට ඔහු ලව් කරන තරම්, රාජපක්‍ෂ ඔහුට ලව් කරන්නෙ නැති බව තේරුම් ගත යුතුයි” යැයි පවසා සිටියේය.

Related posts

විදුලි බිල දෙගුණයකින් ඉහළට…

colombotoday

පාස්කු ප‍්‍රහාරයට වරදකරුවන් වන ප‍්‍රධානතම අන්තවාදීන්ට අධි ආරක්ෂිත සිරගෙයක්

colombotoday

බඩඉරිඟු වගාවට කෘෂිකර්මය අක්කර අසූ දහසක ඉඩම් ඉල්ලයි

colombotoday

ඉස්ලාම් ම්ලේච්චත්වය බෞද්ධයාට උගන්නන්නද ඕනි හිංදු සම්මේලනයෙන් අසාද් සාලිට ප්‍රශ්න අටක්

colombotoday

රනිල්ට 72යි… එතුමට වැඩි කාලයක් නැහැ…

colombotoday

විජේදාස හා ආණ්ඩුව සමග ‘ඩීල්‘ ගැන ඥාණසාර හිමි කතා කරයි (Video)

colombotoday