විදුලි ජනනය සඳහා ප්‍රමාණවත් ඉන්ධන නොමැති වීම හමුවේ අද(14) දිනයේදීත් කලාප වශයෙන් විදුලිය කප්පාදු කිරීමට නියමිතයි.
ඒ අනුව ඒ සිට එල් දක්වා කලාප 12 කට පැය තුනයි විනාඩි 45 ක් ද, පී සිට ඩබ්ලිව් දක්වා කලාප අටකට පැය තුනක් ද, විදුලිය කප්පාදු කෙරෙනු ඇති.
ඒ සිට එල් දක්වා කලාප 12 කට පෙරවරු 08.00 සිට පස්වරු 06.00 දක්වා පැය 2 යි විනාඩි 30 ක් ද, පස්වරු 06.00 සිට රාත්‍රී 11.00 දක්වා පැයයි විනාඩි 15 ක් ද විදුලිය කපා හැරීමට නියමිතයි.
පී සිට ඩබ්ලිව් දක්වා කලාප 8 පෙරවරු 09.00 සිට පස්වරු 5.00 දක්වා පැය දෙකක් ද, පස්වරු 5.00 සිට රාත්‍රී 9.00 දක්වා පැයක් ද, විදුලිය කප්පාදු කරන බව ලංකා විදුලිබල මණ්ඩලය සඳහන් කරයි.
අද දිනයේ පැය 07 ක විදුලි කප්පාදුවක් වන බව විදුලිබල මණ්ඩලය ඊයේ පස්වරුවේ නිවේදනය කළ ද කැලණිතිස්ස සහ සොජිට්ස් යන බලාගාර දෙකට ඉන්ධන ලබාදීමට රජය පොරොන්දුවීම හමුවේ විදුලිය කප්පාදු කරන කාලය අඩු කිරීමටයි පියවර ගැනීමට නියමිතව ඇත.
