කාබනික පොහොර නිෂ්පාදනය සඳහා ගොවීන් හාර ලක්ෂ 81000 කට මේ වනවිට මුදල් ගෙවා අවසන් බව කෘෂිකර්ම රාජ්‍ය අමාත්‍ය ශෂීන්ද්‍ර රාජපක්ෂ මහතා පවසයි.
පොහොර නිෂ්පාදනය සඳහා ගොවීන්ට ලබා දෙන රුපියල් 12,500 දිමනාවෙන් රුපියල් 7500 ක වාරිකය මේ වනවිට එම ගොවීන්ට ලබා දී ඇති බව ඔහු සදහන් කරයි.
නැගෙනහිර පළාතේ පමණක් ගොවීන්ට ලබාදී ඇති මුදල රුපියල් මිලියන 1000 ඉක්මවයි.
රාජ්‍ය අමාත්‍ය ශෂීන්ද්‍ර රාජපක්ෂ මහතා මේ බව සඳහන් කළේ, දේශගුණ විපර්යාසයන්ට විසඳුම් සහිත හරිත ආර්ථිකයක් සඳහා වන ජනාධිපති කාර්ය සාධක බලකායේ රාජ්‍ය අමාත්‍ය අනු කමිටුවේ ප්‍රගති සමාලෝචන රැස්වීමට ඊයේ (30)දින එක්වෙමින් ය.
එළැඹෙන මහ කන්නයේ වගාවන්ට අවශ්‍ය කාබනික පෙහොර හිඟයකින් තොරව ගොවීන්ට ලබාදීම සඳහා සියලු පියවර ගෙන ඇති බවද රාජ්‍ය අමාත්‍යවරයා පවසයි.
මෙහිදී අදහස් පළ කළ පරිසර අමාත්‍ය මහින්ද අමරවීර මහතා ප්‍රකාශකරන්නේ, වල් මර්දනයට වල් නාශක හිඟය පිළිබඳ ඉදිරියේදී කෘෂිකර්ම අමාත්‍යංශය දැනුවත් කිරීමට පියවර ගන්නා බවයි.