වත්මන් රජය යටතේ භාණ්ඩාගාර බැඳුම්කර නිකුත් කිරීමට අදාළ ගැසට් නිවේදනය නිකුත් කිරීමේ දිනය සම්බන්ධයෙන් මතු වු ගැටළු සහගත තත්වයක් හේතුවෙන් බැඳුම්කර කොමිසමේ සාක්කි විභාග කිරීමේ කටයුතු වහාම අත්හිටුවීමට තීරණය කළ එහි කොමසාරිස්වරු තීරණය කළහ.
එම දිනය කවදාද යන්න හෙළි කරගැනීම සඳහා රජයේ මුද්‍රණාලයාධිපතිවරයාගෙන් වහාම ප්‍රකාශයක් සටහන් කරගන්නා ලෙස කොමිසමේ විමර්ශන නිලධාරීන්ට නියම කෙරිණ.
භාණ්ඩාගාර බැඳුම්කර නිකුත් කිරීම සම්බන්ධයෙන් වු ජනාධිපති පරීක්‍ෂණ කොමිසම හමුවේ මුදල් අමාත්‍යංශයේ ලේකම් ආචාර්ය එල්.එච්.එස්. සමරතුංග මහතා සාක්කි දෙමින් සිටියදී භාණ්ඩාගාර බැඳුම්කර නිකුත් කිරීමට අදාළ ගැසට් නිවේදනය නිකුත් කිරීමේ දිනය සම්බන්ධයෙන් ගැටළු සහගත තත්වයක් මතු වු අතර ඒ අනුව ඒ මහතාගෙන් සාක්කි විභාග කිරීම ලබන 27 වැනිදා දක්වා තාවකාලිකව අත්හිටුවීමට එහි කොමසාරිස්වරු තීරණය කළහ.
මුදල් අමාත්‍යංශයේ ලේකම් ආචාර්්‍ය එල්.එච්.එස්. සමරතුංග මහතා බැඳුම්කර කොමිසම හමුවේ සාක්කි දෙමින් සිටියදී භාන්ඩාගාර බැඳුම්කර නිකුත් කිරීමට අදාළ 1895/19 දරණ ගැසට් නිවේදනය පිළිබඳව ජ්‍යෙෂ්ඨ රජයේ නීතීඥ ආචාර්ය අවන්ති පෙරේරා මහත්මිය ඔහුගෙන් ප්‍රශ්න කරමින් සිටියදී එම ගැසට් නිවේදනය නිකුත් කිරීමේ දිනය පිළිබඳව අවධානය යොමු කෙරිණ. 2015/01/01 වැනිදා සිට 2015/12/31 වැනිදා දක්වා කාලය සඳහන් වන පරිදි මෙම ගැසට් නිවේදනය නිකුත් කර ඇති බව එහි දැක්විණි.