දෙමළ ඩයස්පොරාවේ උවමානවන් ඉටු කිරීමට කුමන්ත්‍රණය කරන පාර්ලිමේන්තුවේ හතර දෙනෙකු ගැන ඉදිරියේදී හෙළිදරව් කරන බව දකුණු පළාත් ආණ්ඩුකාර හේමකුමාර නානායක්කාර මහතා පවසයි.
අගුණකොළපැලැස්සේ පැවති උත්සවයකට සහභාගීවීමෙන් අනතුරුව මාධ්‍ය හමුවේ අදහස් දක්වමින් ආණ්ඩුකාරවරයා මේ බව හෙළි කලා.
සියළුම පළාත්වලට සමාන අයිතිවාසිකම් හිමි විය යුතු බවත්, උතුරු පළාතට පමණක් සීමා වූ විශේෂ ප්‍රශ්නයක් නොමැති බවත් හෙතෙම අවධාරණය කළේය.
විග්නේෂ්වරන් මහ ඇමතිවරයාගේ බෙදුම්වාදී ප්‍රකාශ රටේ ජාතික ආරක්ෂාවට බලවත් තර්ජණයක් බවත්, අසමමිතික ලෙස උතුරු පළාතට බලය බෙදීමේ කුමන්ත්‍රණයක් ක්‍රියාත්මක වන බවත් ඒ පිටුපස රාජ්‍ය නොවන සංවිධානයක ඩොලර් හිගාකන කිහිප දෙනෙකු සිටින බවත් හේමකුමාර නානායක්කාර මහතා පැවසීය.