කටුනායක ජාත්යන්තර ගුවන්තොටුපොළේ දී ව්යාජ ලෙස සකස් කළ ග්රීක සංචාරක වීසා භාවිත කරමින් විදෙස්ගත වීමට උත්සාහ කළ ශ්රි ලාංකිකයන් දෙදෙනෙකු අත්අඩංගුවට ගෙන තිබේ.
ආගමන විගමන දේශසීමා ආවේක්ෂණ ඒකකයේ නිලධාරින් විසින් අත්අඩංගුවට ගත් එම තරුණයන් දෙදෙනා වව්නියාව සහ යාපනය ප්රදේශවල පදිංචිකරුවන් බව වාර්තා වේ.
ඔවුන් දෙදෙනා අද (23) අලුයම දෝහා බලා පිටත් ව යාමට පැමිණ තිබූ අතර, මඟී ගුවන් සේවා නිෂ්කාශන කටයුතු සඳහා සිය ලියකියවිලි ඉදිරිපත් කළ අවස්ථාවේ ඔවුන් සතු ව තිබූ ග්රීක සංචාරක වීසා බලපත්ර කූට ලෙස සකස් කර ඇති බවට අනාවරණය වී ඇති බවයි සදහන් වන්නේ.
ඉන්දියාව වෙත ගොස් තැරැව්කරුවකු මඟින් එම වීසා බලපත්ර සකස් කර ගෙන ඇති බව ඔවුන්ගෙන් සිදු කළ ප්රශ්න කිරීම්වල දී වැඩිදුරටත් අනාවරණය වී තිබේ.
එමෙන්ම සැකකරුවන් දෙදෙනා ඉදිරි විමර්ශන සඳහා කටුනායක ගුවන් තොටුපොළ අපරාධ විමර්ශන දෙපාර්තමේන්තු නිලධාරින් වෙත භාර දී තිබේ