Colombo Today Local News

ස්වාධීන රතන හිමි භාර ගන්න හෙළ උරුමය සූදානම්.. හැබැයි එක කොන්දේසියක් !!

අතුරලියේ රතන හිමියන් යළි පක්ෂයට එකතු කරගැනීමට සූදානම් බවත්, ඒ සදහා තමන් පාර්ලිමේන්තුවේ ස්වාධීන වන බවට ඒ හිමියන් කළ ප්‍රකාශය ඉල්ලා අස්කර ගත යුතු බවත් ජාතික හෙළ උරුමය පවසයි.

අද (21) කොළඹදී පැවති මාධ්‍ය හමුවක් අමතමින් එහි සම සභාපති හැඩිගල්ලේ විමලසාර හිමියන් මේ බව කියා සිටියේය.

පසුගිය මහ මැතිවරණයෙන් ජාතික ලැයිස්තුවෙන් මන්ත්‍රී ධූර 2ක් ජාතික හෙළ උරුමයට ලබාදෙන බවට එක්සත් ජාතික පක්ෂය සමග ගිවිසුමකට එළඹුණු බවත්, ලබා ගත් ඡන්ද ප්‍රතිශතය අඩු බැවින් එක් මන්ත්‍රී ධූරයක් සඳහා එකඟවූ බවත්, රතනහිමියන්ට පක්ෂය විසින් ලබාදෙනු ලැබුවේ එකී මන්ත්‍රී ධූරය බවත් විමලසාර හිමියන් කියා සිටියේය.

එබැවින් එම මන්ත්‍රී ධූරය අයිති වන්නේ පක්ෂයට බවත්, ඒ අනුව රතනහිමියන්ට ස්වාධීනව ක්‍රියා කළ නොහැකි බවත්, එසේ ක්‍රියා කරන්නේ නම් මන්ත්‍රී ධූරය නැවත පක්ෂයට ලබාදී එසේ කළ යුතු බවත් , උන්වහන්සේ සඳහන් කළේය.

Related posts

ජාතික ඉන්ධන අවසර පත්‍ ප්‍රවේශම් කරගන්න – ඇමති කංචන කියයි

colombotoday

සේවකයකු ලවා ගිනි අවි සැගවීමට හදයි…. මාම් බිස්කට් මුස්ලිම් සමාගමේ හිමිකරු අත්අඩංගුවට….

colombotoday

ගාල්ල කටුගොඩ ප්‍රදේශ කිහිපයකට සංචරණ සීමා

colombotoday

අනුර කුමාර කැනඩාවට

Admin

සම්පායෝ යළි රිමාන්ඩ්

colombotoday

අද සිට උපකාරක පන්ති තහනම්

Admin