පෞද්ගලික විදුලි රැහැන් අදින සමාගමක සේවය කරන ඉන්දියානුවන් පිරිසකගේ බව කියන ඡායාරූප කිහිපයක් ෆේස්බුක්හී පලවී තිබෙනවා. තුල්හිරිය, රඹුක්කන ප්‍රදේශවලදී මෙම පරිස දක්නට ලැබී ඇති අතර, රුපියල් 600 වැටුපකට මොවුන් මෙම සමාගමේ වැඩ කරන බවයි එමගින් ප්‍රකාශ කර ඇත්තේ.
ඉන්දු – ශ්‍රී ලංකා නිදහස් වීසා ප්‍රතිපත්තිය හේතුවෙන් සංචාරක වීසා ලබාගෙන පැමිණෙන ඉන්දියානුවන් විශාල පිරිසක් රට පුරා අඩු මුදලට කුලී වැඩවල නිරත වන බවට කලක පටන් වාර්තා පල වේ.
යෝජිත ඉන්දු – ලංකා “එට්කා“ ගිවිසුම මගින් ඉන්දියානු ශ්‍රමිකයන්ට ලංකාවේ ශ්‍රම වෙළදපොල විවෘත කිරීමට පවතින සැලසුම සම්බන්ධයෙන් දැඩි ආන්දෝලනාත්මක තත්ත්වයක් ඇතිව තිබේ. යම් හෙයකින් එම සැළසුම් ක්‍රියාත්මක වුවහොත් ඉන්දියානු අඩු මිළ ශ්‍රමිකයන් විසින් ලංකාවේ සමස්ථ ශ්‍රම වෙළදපොලම කෙටි කලකින් ගිලගනු ඇති බවට මත පලවේ.
