හිටපු ජනාධිපතිවරයාට බලය ලබා ගැනීමට ඉඩදී තමන් සතියක් විදේශගත වූ බවත්, එහෙත් එය සිදු කිරීමට නොහැකි වූ බවත් අගමැති රනිල් වික්‍රමසිංහ මහතා පවසයි.
ඒකාබද්ධ විපක්ෂය විසින් නුගේගොඩදී පැවැත්වූ රැලියට පිළතුරු ලෙස එජාපය ඊයේ (28) අනුරාධපුර සාලියපුරදී සංවිධානය කර තිබූ රැලිය අමතමින් අගමැතිවරයා මේ බව පැවසීය.
එසේම ඉදිරියේදී කිසිවෙකුටත් නැටීමට ඉඩ නොදෙන බවත්, එයට පිළිතුරු දීමට එක්සත් ජාතික පක්ෂය ප්‍රතිසංවිධානය කිරීම මහ ලේකම්වරයාට මෙන්ම සභාපතිවරයාට උපදෙස් දුන් බවත් ඒ මහතා මෙහිදී පැවැසීය.
මහින්ද රාජපක්ෂ මහතා ශ්‍රී ලංකාවේ ආර්ථිකය විනාශ කළ බවත්, රටේ ආර්ථිකය තිබුණේ හදිසි ප්‍රතිකාර ඒකකයේ බවත් අග්‍රමාත්‍යවරයා එහිදී පැවසීය.