ආණ්ඩුවට එරෙහිව ජනතාව පෙළගැස්වීම සදහා ඒකාබද්ධ විපක්ෂය ‘දෙවැනි සටන‘ නමින් අරඹන විරෝධතා රැළි මාලාවේ පළමුවැන්න ලබන 27 වනදා නුගේගොඩින් ආරම්භ වීමට නියමිතය.
එම රැළියට හිටපු ජනාධිපති මහින්ද රාජපක්ෂ මහතා සමගින් අළුත් මුහුණු කිහිපයක් සහභාගී වන බව පාර්ලිමේන්තු මන්ත්‍රී මහින්දානන්ද අළුත්ගමගේ මහතා පවසයි.
එම රැස්වීම කඩාකප්පල් කිරීමට මේ වන විටත් ආණ්ඩුව කටයුතු කරන බවත් සිය කණ්ඩායමේ ඇතැම් පිරිස් අත්අඩංගුවට ගැනීම් සිදුකරමින් සිටින බවත් අද (16) පෙරවරුවේ කොළඹ පැවැති මාධ්‍ය හමුවකදී මන්ත්‍රීවරයා කියා සිටියේය.
කෙසේ නමුත් රැස්වීම සාර්ථකව පවත්වන බව ඔහු පැවසිය.
මේ ආණ්ඩුව රටට සිදු කරන අහිතකර ක්‍රියාවන් එරෙහිව තම පිරිස කටයුතු කරන බව මන්ත්‍රීවරයා කියා සිටියේය.