Colombo Today Local News

ගිලන්රථ සේවාව බිසි. කොරෝනා ආසාදිතයා පීසීආර් කරගන්න කි.මී. 20ක් පයින්ම රෝහලට ගිහින්

පීසීආර් පරීක්‍ෂාවක් කර ගැනීම සඳහා දමුනුපොළ අටුගොඩ පදිංචි අයකු කිලෝමීටර් 20ක් පා ගමනින් කෑගල්ල මහරෝහලට පැමිණීමේ පුවතක් වාර්තා වී තිබේ.

පවතින සංචරණ සීමා ඇඳිරි නීතිය සමඟ වාහනයක් සොයා ගැනීමට නොහැකිවීම නිසා කොරෝනා පරීක්‍ෂාව සඳහා රෝහලට යෑම පිළිබඳව ඇසූ සියලූ ත‍්‍රිරෝදරථකරුවන් හා කුලී වාහන හිමියන් ඒ සඳහා ඉදිරිපත් නොවීම නිසා ඔහුට මෙසේ පා ගමනින් මෙතරම් දුරක් යෑමට සිදු වී තිබේ.

ප‍්‍රදේශය තුළ ඇති සුවසැරිය ගිලන්රථ සේවාව තුළින් නිතර ‘බිසි‘ යන වදන ඇසීම හා මීට පෙර දියණිය රෝහලට රැගෙන යෑම සඳහා සුවසැරිය ගිලන්රථ සේවයට දැන්වීමෙන් පසු දින 3කට පසු පැමිණීම ද නිසා එම උත්සාහය ද අසාර්ථක වී තිබේ.

අලූයම් කාලයේදී නිවසින් රෝහල වෙත පා ගමනින්ම පැමිණි ඔහුට සිදුකළ පරීක්‍ෂාවේදී ඔහු ආසාදිත බව තහවුරු වීම සමඟ නැවත නිවසට යෑමේදී අතරමග අවදානම සමඟ රෝහලේ රැඳී සිට තිබේ. එහිදී තම ගම් ප‍්‍රදේශයේ අයකු හමුවී තමා ද කොරෝනා පරීක්‍ෂාවට පැමිණි බවත් තමාත් ආසාදිත අයකු වුවහොත් දෙදෙනාම තමා පැමිණි ත‍්‍රිරෝද රථයෙන් යමු යැයි කළ යෝජනාවට අනුව තවදුරටත් රෝහලේ රැඳී සිට තිබේ. එහිදී එම පුද්ගලයා ද ආසාදිත අයකු බව තහවුරු වීම නිසා දෙදෙනාම එම පුද්ගලයාගේ ත‍්‍රිරෝද රථයෙන් නැවත ගමට ගිය බව ද එම පුද්ගලයා පැවසීය.

Related posts

මම මේ රටේ ජනපති නෙවෙයි කියා හිතෙනවා

colombotoday

එජාප නායකත්වය ගැන අවසන් තීරණය බ්‍රහස්පතින්දා !

colombotoday

මීටර් නැති ත්‍රීරෝද අල්ලන්න පොලිසිය සීරුවෙන්… මීටර් නීතිය පිළිපදින්නෑ.. ත්‍රීරෝද සංගමය කියයි

colombotoday

කටුගස්තර වෙඩි තැබීමේ වැඩිදුර විස්තර

Admin

පානම දළ පූට්‌ටුවාත් මාස 10 ක්‌ තිස්‌සේ අතුරුදන් !

colombotoday

එජාප කෘත්‍යාධිකාරී මණ්ඩලය අද රැස්වෙයි

colombotoday