මගීන් හා භාණ්ඩ ප්‍රවාහනය කරන කුලී ත්‍රීරෝද රථ අයිතිකරුවන් හා රියදුරන් විසින් අනිවාර්යෙන් පිළිපැදිය යුතු නීති රීති ගණනාවක් ප්‍රවාහන සහ සිවිල් ගුවන්සේවා අමාත්‍යංශය මගින් පනවනු ලැබ තිබේ.
සෑම ත්‍රී රෝද රථයකම ගමන් ගාස්තුව සටහන් කෙරෙන මීටරයක් හා වේගමානයක් සවිකර තිබිය යුතුය. මගීන්ගෙන් මුදල් අයකර ගැනීමේදී රිසිට් පත්‍රයක් නිකුත් කිරීමද, රිසිට් පතේ ගමන් කළ දුර, ත්‍රිරෝද රියේ ලියාපදිංචි අංකය, අයකළ ගාස්තුව හා දිනය සඳහන් කිරීමද අනිවාර්ය කර තිබේ.