කොවිඩ්-19 වෛරසය ආසාදනය වීම හේතුවෙන් බ්‍රසීලයේ ගර්භණී කාන්තාවන් දහසකට අධික ගණනක් මියගොස් ඇතිබව විදෙස් මාධ්‍ය පවසයි.
කොවිඩ් හේතුවෙන් එරට ගර්භණී මව්වරුන්ට දැඩි බලපෑමක් ඇතිවී තිබේ.
වෛරසය ආසාදනය වන ගර්භණී කාන්තාවන්ගෙන් 5 දෙනෙකුගෙන් එක් අයෙකුට හෝ දැඩි සත්කාර ඒකක සඳහා පිවිසීමේ අවස්ථාව ද අහිමිව ඇති බව වාර්තා වේ.
බ්‍රසීලයේ සමස්ත කොවිඩ් ආසාදිත මරණ ගණන 530,000 ඉක්මවා ඇති අතර එරට ජනගහනයෙන් 45%කට පමණ මේ වන විට කොවිඩ් මර්දන එන්නත් ලබාදී ඇති බව එරට සෞඛ්‍ය බලධාරීන් පැවසීය.