උතුරු නැගෙනහිර ඒකාබද්ධ කිරීමෙන් තොරව කිසිදු විසඳුමක්‌ පිළිගන්නේ නැතැයි ද්‍රවිඩ සන්ධාන නායක ආර්. සම්පන්ධන් ද්‍රවිඩ සන්ධානයට සම්බන්ධ පක්‍ෂ හතරේ නායකයන් අමතා ප්‍රකාශ කර ඇත.
යෝජිත ව්‍යවස්‌ථාව සම්බන්ධයෙන් ඉලංකෙයි තමිල් අරසු කච්චි, ප්ලොට්‌, ඊ.පී.ආර්.එල්.එµa. සහ ටෙලෝ යන පක්‍ෂවල නායකයන් සමඟ මෙම සාකච්ඡාව පවත්වා තිබේ.
එසේම ඒකීය රාජ්‍ය ක්‍රමය යටතේ විසඳුමක්‌ බාර ගැනීමට ද්‍රවිඩ සන්ධානය සූදානම් නැතැයි සම්බන්ධන් පවසා ඇත.
මෙම සාකච්ඡාවේදී තවදුරටත් කරුණු දැක්‌වූ සම්බන්ධන් ද්‍රවිඩ ජනතාවගේ අරමුණු ඉටු නොවන කිසිදු විසඳුමක්‌ පිළි නොගන්නා බවට ද්‍රවිඩ ජනතාවට පොරොන්දු වන බවද සඳහන් කර තිබේ.
මේ අතර ද්‍රවිඩ සන්ධානයට සම්බන්ධ පක්‍ෂ පැවසුවේ රජය සහ ද්‍රවිඩ සන්ධානය අතර පවත්වන සාකච්ඡාවල තොරතුරු තමන්ට දැනුම් දිය යුතු බවයි.