මරණ දඬුවම නියම වී සිටින රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර මහතාගේ දියණිය ඔහු වෙනුවෙන් නිවිතිගල සම්බන්ධිකරණ කමිටු රැස්වීම පසුගිය දා නියෝජනය කර ඇති බව වාර්තා වෙයි.
මෙහිදී පාර්ලිමේන්තු මන්ත්‍රීවරයාගේ දියණිය වූ සෙනාලි ජයසේකර මෙනවිය මෙම රැස්වීම නියෝජනය කිරීමට ඇති අයිතිය පිළිබඳව මෙහිදී කාගේත් අවධානයකට ලක් විය.
ඇයට වෙන්කර තිබු ස්ථානයේ තිබු අදාල නාම පුවරුවේ සඳහන්ව තිබුණේ “ගරු පාර්ලිමේන්තු මන්ත්‍රී” යනුවෙනි.
යම් අපරාධයකට සිරගතව සිටින ඇගේ මන්ත්‍රී පියා නියෝජනය කරමින් ඔහුගේ දියණියක් ජාතික මට්ටමේ රැස්වීමක් නියෝජනය රටක කොතරම් දුරට ගැලපෙනවාද යන්න පිළිබඳව නැවත සලකා බැලිය යුතු කරුණකි.
මෙම අවස්ථාවට රජයේ උසස් නිලධාරීන් මෙන්ම සෞඛ්‍ය නිලධාරීන්,ප්‍රාදේශීය සභා මන්ත්‍රීවරු,පොලිසිය සහ ආරක්ෂක අංශ නිලධාරින්ද සහභාගී වී තිබුණි.
ඉන්දික ශ්‍රී අරවින්ද
