තුවක්කුකරුවන් විසින් නයිජිරියාවේ සැම්ෆාරා ප්‍රාන්තයේ පාසලකට කඩා වැදී සිසුවියන් සිය ගණනක පිරිසක් පැහැරගෙන ගොස් ඇති බව විදෙස් මාධ්‍ය වාර්තා කරයි.
පාසලට කඩාවැදී ඇති තුවක්කුකරුවන් විසින් සිසුසිසුවියන් 300ක පමණ පිරිසක් පැහැරගෙන ගොස්ඇති බව එම පාසලේ ගුරුවරයෙකු සඳහන් කර ඇති බව විදෙස් වාර්තා සඳහන් කරයි.
මෙම පැහැරගැනීම සම්බන්ධයෙන් නයිජිරියානු රජය විසින් මේ දක්වා කිසිදු නිල ප්‍රකාශයක් සිදුකර නොමැති බවද වාර්තා වේ.
පසුගිය සති කිහිපය පුරා කප්පම් ලබාගැනීමේ අරමුණින් ආයුධ සන්නද්ධ පිරිස් විසින් පාසල් සිසුන් පැහැරගෙන යෑමේ සිදුවීම් රැසක් එරටින් වාර්තා වී තිබුණි.