පිලිපීන ජනාධිපති ඩුටරේට් රොද්‍රිගෝ එක්සත් ජාතීන්ගේ මානව හිමිකම් කොමසාරිස් අල් හුසෙන් කුමරුට ප්‍රසිද්ධ වේදිකාවදී තිත්ත කුණුහරුපෙන් බැනවැදී තිබෙනවා.
ජනපතිවරයා ගෙන යන මත්ද්‍රව්‍ය විරෝධි වැඩසටහනට විරුද්ධව මානව හිමිකම් කඩවීම් සම්බන්දයෙන් අල් හුසෙන් කරන ලද චෝදනාවලට ප්‍රතිචාර දක්වමින් පිලිපීන ජනපතිවරයා මෙසේ දැඩි ලෙස බැනවැදී ඇත්තේ එරට මත්ද්‍රව්‍ය නිවාරණ ස්වෙච්ඡා බළකායේ සාමාජිකයන් සදහා පැවති රැස්වීමක් අමතමින්.
එහිදි පිලිපීන ජනාධිපතිවරයා පවසා සිටියේ ‘මගේ ස්වාධීන රාජ්‍යයේ ජනතාව වෙනුවෙන් ගන්නා තීරණ සම්බන්ධයෙන් හා ඔහුනගේ යහපත සඳහා රටේ වසංගතයක් බවට පත්ව ඇති මත්ද්‍රව්‍ය වෙළෙඳාම හා භාවිතය තුරන් කිරීමට ගන්නා ක්‍රියාමාර්ග විවේචනය කරන්න හෝ ඒ සම්බන්ධයෙන් උපදෙස් දෙන්න උබ කවුද? උබට තියෙන අයිතිය මොකක්ද තවත් ස්වාධීන රාජ්‍යයක පරිපාලනයට ඇඟිලි ගසන්නට? තෝ එන්න එපා අපිට උපදෙස් දෙන්න *** පුතා’ යනුවෙන් ඉතා දැඩි ලෙස දෝෂාරෝපණය ලක් කලේය.
එමෙන්ම ජනාධිපතිවරයා පවසා සිටියේ උබලා අපේ රටවලින් පාලනය කරන ආයතනයක් මෙන්ම අපේ මුදල්වලින් පඩි ලබන සේවකයින් බව මතක තියා ගත යුතු බවයි.
පිලිපීනය ලෝකයේ වැඩිම ජනගහනය වෙසෙන රටවල් 10 ක් එකක් වන අතර ඇමරිකානු යුද කඳවුරු කිහිපයක්ම එහි දූපත්වල පිහිටුවා තිබේ. එහෙත් එම රටේ පසුගිය කාලයේදී ඉතා දරුණු ලෙස මත්ද්‍රව්‍යට ඇබ්බැහිවීම වැඩි වී ඇති අතර එම උවදුර නිසා විශාල සංඛ්‍යාවක් වාර්ෂිකව මියයයි,
ශ්‍රී ලංකාවේ වසර 30ක් තිබු ලෝකයේ දරුණුතම කොටි ත්‍රස්තවාදී යුද්ධය නිමකිරීම මගින් ශ්‍රීලංකිකයන් දහස් ගණනකගේ ජීවිත බේරාගැනීමට ක්‍රියාකල මහින්ද රාජපක්ෂ ජනාධිපති ඇතුළු ත්‍රිවිධ හමුදාවේ ප්‍රධානින්ට සහ එම රජය ගත් පියවර සම්බන්ධයෙන් අගය කිරීමක් නොකොට, එක්සත් ජාතීන්ගේ සංවිධානයේ මානවහිමිකම් කවුන්සලේ ප්‍රධානි අල් හුසේන් කුමරු තවමත් පරික්ෂණ පවත්වන අතර වර්තමාන ශ්‍රී ලංකා රජය ඔහුන් වන්දනිය තත්ත්වයට පත්කරගෙන සිටී.
අපේ රටේ රණවිරුවන්ට විරුද්ධව නිරන්තරයෙන්ම චෝදනා එල්ලකරමින් කොටි ඩයස්පොරාවේ මතවාදයට මුල් තැන දෙමින් ක්‍රියාත්මක වන එ.ජා මානව හිමිකම් කවුන්සලයට අසියාවේ ප්‍රධාන රටක රාජ්‍ය නායකයා මෙසේ ඇමතිම ශ්‍රී ලංකාවේ දෙශප්‍රෙමි ජනතාවට අස්වැසිල්ලකි.
විඩියෝව මෙතනින්