ඉන්දියාවේ කේරළ ප්‍රාන්තයෙන් සිකා නමැති වෛරසය ආසාදනය වූ ආසාදිතයින් 15 දෙනෙකු වාර්තා වී තිබෙන බව විදෙස් මාධ්‍ය වාර්තා කර තිබේ.
එය හඳුනා ගැනීමෙන් පසු සෞඛ්‍ය බලධාරීන් සෑම දිස්ත්‍රික්කයකම මේ පිළිබඳව සෝදිසියෙන් සිටින බව වාර්තා වේ.
මදුරුවන්ගෙන් බෝවන මෙම වෛරසය නිසා ළමුන්ගේ මොළය හැකිළෙන රෝගයක් බවටයි වාර්තා වන්නේ.
වෛරසය බොහෝ දුරට මදුරුවන් ගෙන් පැතිර ගියද එය ලිංගිකව ද සම්ප්‍රේෂණය විය හැකි බවයි BBC පුවත් සේවය වාර්තා කර තිබේ.
මේ පිළිබඳව වෛද්‍ය චන්දිම ජිවන්දර මහතා ප්‍රකාශ කරන්නේ සෑම වසරකම වාර්තා වන මෙම රෝගය සාමන්‍ය තත්ත්වයක් බවයි.