වනජීවි දෙපාර්තමේන්තුව සතු සියලුම ජාතික උද්‍යාන අද(26)දින සිට යළි දේශීය සහ විදේශීය සංචාරකයින්ට විවෘත කරනු ලැබේ.
වනජීවි දෙපාර්තමේන්තුව සඳහන් කළේ, දැඩි සෞඛ්‍ය මාර්ගෝපදේශ අනුගමනය කරමින් ඒවා විවෘත කෙරෙන බවය.
කොරෝනා තත්ත්වය හේතුවෙන් පසුගිය කාලයේ එම වනෝද්‍යාන තාවකාලිකව වසා දැමුණි.
එහෙත් පසුගියදා යාල , උඩවලව ,හෝටන්තැන්න සහ මින්නේරිය ජාතික උද්‍යාන විදේශීය සංචාරකයින් සඳහා විවෘත කරනු ලැබුවේ ය.
මේ අතර මිරිස්ස මුහුදේ තල්මසුන් නැරඹීමට ද සංචාරකයින්ට අද සිට යළි අවස්ථාව හිමිවෙයි.