Colombo Today Local News

ඥාණසාර හිමි අත්අඩංගුවට ගන්න.. පක්ෂ විපක්ෂ මුස්ලිම් මැති ඇමතීන් එක්වී ජනපති හමුවෙයි

ght232356සියලු දේශපාලන පක්ෂ නියෝජනය කරන මුස්ලිම් මන්ත්‍රීවරු සහ ඇමතිවරු අද ජනාධිපතිවරයා මුණගැසීමට නියමිතව ඇත. මහම්මත් තුමාගේ උපන් දිනය සමරන අද දිනයේ ජනාධිපති මැදුරේ සංවිධානය කර ඇති විශේෂ උත්සවය අතරතුර මෙම හමුව සිදුවන බව ආරංචි මාර්ග සදහන් කරයි.

එහිදී සියළු මුස්ලිම් දේශපාලන පක්ෂ නියෝජිතයන් එක්ව, පූජ්‍ය ගලගොඩඅත්තේ ඥාණසාර හිමියන් වහාම අත්අඩංගුවට ගෙන බොදු බල සේනා සංවිධානය තහනම් කරන ලෙසත්, අනෙකුත් සංවිධාන සහ එහි ක්‍රියාකාරී භික්ෂූන් වහන්සේලා සම්බන්ධයෙන්ද වහාම ක්‍රියාමාර්ගයක් ගන්නා ලෙසත් ජනපතිවරයාගෙන් ඉල්ලීමට සූදානම් වන බවද පැවසෙයි.

අලුත්ගම සිද්ධිය සම්බන්ධයෙන් පරීක්ෂණයක් පවත්වා ඥාණසාර හිමියන් අත්අඩංගුවට ගැනීම සහ බොදු බල සේනා සංවිධානය තහනම් කිරීම යන පසුගිය ජනාධිපතිවරණයේදී දුන් පොරොන්දුව තවමත් ඉටුකර නොමැතිව තිබියදී එහිමියන් ජනාධිපති ලේකම්කාර්යාලයට ගෙන්වා සාකච්ඡා පැවැත්වීම පිළිබදව පක්ෂ විපක්ෂ මුස්ලිම් මැති ඇමතිවරු දැඩි ලෙස උරණව සිටින බවද පැවසේ.

අසාද් සාලි, මුජිබර් රහුමාන්, ඒ.එච්.එම් ෆවුසි යන මුස්ලිම් දේශාපාලකයන් ද ඥාණසාර හිමියන් අත්අඩංගුවට ගතයුතු බවට පසුගිය දින කිහිපයේදී ප්‍රකාශ නිකුත් කර තිබිණි.

පසුගිය නොවැම්බර් 1 වනදා මුස්ලිම් අක්‍රමණය පිලිබදව මාධ්‍ය සාකච්ඡාවකදී අදහස් දැක්වූ ඥානසාර හිමි, මේ රටේ පුරාවිද්‍යා ස්ථාන ආක්‍රමණය කරමින් සිදු කෙරෙන විනාශය සිරිපාදයටත් දැන් අත්වී ඇති බවත්, බෞද්ධ සිද්ධස්ථාන තිබෙන ස්ථාන අක්‍රමණය කරමින් අල්ලා ගන්න “අල්ලා බුවල්ලෙක්දැයි” ප්‍රශ්න කර සිටියහ. එම ප්‍රකාශය මේ වන විට ඉංග්‍රීසි සහ අරාබි භාෂාවලට පරිවර්ථනය කර මුස්ලිම් රටවල් කිහිපයක ප්‍රචාරය කර ඇති බවද වාර්තා වේ.

Related posts

පෙර රජවරුන් ළගවත් පල්ලිවල අසුවෙන කඩු තරම් කඩු තිබී නැහැ

colombotoday

රටේ නායකයො අත හෝදගන්න හදනවා… දැන් ඇත්තේ නීතියේ පිහිට පමණයි – කාදිනල්තුමා

colombotoday

කුසල් මෙන්ඩිස්ට එරෙහිව විනය පරීක්ෂණයක්

colombotoday

වරෙන්තු 31ක් ඇති සැකකරුවකු වත්තලදී මාට්ටු

colombotoday

TIDයේ හිටපු ප්‍රධානියා ඉදිරිපත් කර තිබූ පෙත්සම ඉල්ලා අස්කර ගනී

colombotoday

සුසිල් ප්‍රේමජයන්තට රාජ්‍ය අමාත්‍ය ධුරයක්

colombotoday