නිතීයේ ආධිපත්‍ය උඩ අගමැති රනිල් වික්‍රමසිංහ තට්ටම තියා වාඩිවී ඇති බව ,පාර්ලිමේන්තු මන්ත්‍රි වාසුදේව නානායක්කාර පවසයි. අද රට තුළ පවතින්නේ රනිල්ගේ ආධිපත්‍ය බවත් ඒ ගමන අනුමත කල නොහැකි බවද ඔහු පැවසීය.
බැදුම්කර වංචාව සම්බන්ධයෙන් අගමැති රනිල් වික්‍රමසිංහ විත්තිකරුවෙකු බව පවසමින් ඒ සම්බන්ධයෙන් වහාම පරීක්ෂණයක් කරන ලෙස ඉල්ලමින් තමන් පොලිස්පතිට ලිපියක් යැවූ බවත්, ඒ සම්බන්ධයෙන් අද පරීක්ෂණ සිදු නොවෙන බවට ඔහු චෝදනා කළේය.
අදාළ ලිපිය නිතීපතිවරයාට ලබා දුන් බවට පොලිස්පතිවරයා ප්‍රකාශ කර ඇති අතරම, මේ රටේ නිතීපති කාර්යාලය පිළිබද අමුතුවෙන් කතා කල යුතු නැති බවයි ඔහු කියා සිටියේ. අගමැති රනිල් වික්‍රමසිංහ අගමැති ධූරයේ රැදි සිටින තුරු බැදුම්කර වංචාව සම්බන්ධයෙන් කිසිදු පරීක්ෂණයක් ඉටු නොවෙන බවත්, අද රටේ කතානායක, නිතීපති පවා ඔහුගේ අණට යටත්ව සිටින බවයි ඔහු වැඩිදුරටත් කියා සිටියේය.